ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

ತುಮಕೂರು, ಮೇ 10: ತುಮಕೂರು ವಿವಿಯ ಹಳೆಯ ಲಾಂಛನವನ್ನೇ ಮುಂದು ವರಿಸಬೇಕು ಎಂದು ಒತ್ತಾ ಯಿಸಿ ಎಸ್‌ಎಫ್‌ಐ ಹಾಗೂ ಡಿವೈಎಫ್‌ಐ ನೇತೃತ್ವದಲ್ಲಿ ಹಮ್ಮಿ ಕೊಂಡಿರುವ ಪತ್ರ ಚಳವಳಿಗೆ ಜಿಲ್ಲೆಯಾ ದ್ಯಂತ ವ್ಯಾಪಕ ಬೆಂಬಲ ವ್ಯಕ್ತವಾಗಿದೆ. ಪಾವಗಡ ತಾಲೂಕಿನ ವೆಂಕಟಾಪು ದಲ್ಲಿಂದು ಹಳೆ ಲಾಂಛನ ಉಳಿವಿಸು ವಂತೆ ನಡೆಸಿದ ಪತ್ರ ಚಳವಳಿಯನ್ನು ಬೆಂಬಲಿಸಿ ಹಲವರು ಅಂಚೆ ಕಾರ್ಡ್‌ಗಳನ್ನು ಬರೆದು ರಾಜ್ಯಪಾಲರು ಮತ್ತು ರಾಷ್ಟ್ರಪತಿಗಳಿಗೆ ಹಾಕುವ ಮೂಲಕ ಹೋರಾಟವನ್ನು ಮುಂದುವರಿಸಿದ್ದಾರೆ.

ರಾಜ್ಯಪಾಲರು ಹಾಗೂ ರಾಷ್ಟ್ರಪತಿಗೆ ಪತ್ರದ ಪತ್ರದಲ್ಲಿ ಯಾವುದೇ ಕಾರಣಕ್ಕೂ ಹೊಸ ಲಾಂಛನ ಮುಂದು ವರಿಸ ಬಾರದು. ಜಿಲ್ಲೆಯ ಸಂಸ್ಕೃತಿ, ಇತಿಹಾಸ ಮತ್ತು ಪರಂಪರೆಯನ್ನು ಸಾರುವ ಹಳೆಯ ಲಾಂಛನವನ್ನೇ ಮುಂದು ವರಿಸಬೇಕು ಎಂದು ಬರೆಯಲಾಗಿದೆ ಎಂದು ಚಳವಳಿಕಾರರು ತಿಳಿಸಿದ್ದು, ಈ ಸಂದರ್ಭದಲ್ಲಿ ಮಾತನಾಡಿದ ಎಸ್‌ಎಫ್‌ಐ ತಾಲೂಕು ಮುಖಂಡ ಆರ್.ಶ್ರೀನಾಥ, ಪಾವಗಡ ತಾಲೂಕಿನಾದ್ಯಂತ ಚಳವಳಿ ಮುಂದುವರಿಸಲು ಉದ್ದೇಶಿಸಲಾಗಿದೆ.

ವಿವಿಯು ಕೇವಲ ಪತ್ರಿಕಾ ಹೇಳಿಕೆ ನೀಡುತ್ತ ಜಿಲ್ಲೆಯ ಜನರನ್ನು ದಿಕ್ಕು ತಪ್ಪಿಸುತ್ತಿದೆ. ಹೊಸ ಲಾಂಚನ ರೂಪಿಸಿರುವುದರ ಹಿಂದೆ ದುರುದ್ದೇಶ ಅಡಗಿದೆ. ಜಿಲ್ಲೆಯ ಸಾರ್ವಭೌಮತೆ ಎತ್ತಿ ಹಿಡಿಯುವ ಹಳೆಯ ಲಾಂಛನ ಮುಂದುವರಿಸದಿದ್ದರೆ ಎಲ್ಲಾ ತಾಲೂಕುಗಳಲ್ಲಿ ಪ್ರತಿಭಟನೆಯನ್ನು ತೀವ್ರಗೊಳಿಸಲಾಗುವುದು ಎಂದು ಎಚ್ಚರಿಕೆ ನೀಡಿದರು.

ಚಳವಳಿಯಲ್ಲಿ ವಿದ್ಯಾರ್ಥಿಗಳು, ಸಾರ್ವಜನಿಕರು ಭಾಗವಹಿಸಬೇಕೆಂದು ಅವರು ಮನವಿ ಮಾಡಿದರು. ಪತ್ರ ಚಳವಳಿಯ ನೇತೃತ್ವವನ್ನು ವೈ. ಶಂಕರಪ್ಪ, ಆರ್.ಸುರೇಶ್, ಶಿವಲಿಂಗ, ನಾಗೇಶ್, ಪುರುಷೋತ್ತಮ, ಲಕ್ಷ್ಮೀನಾರಾಯಣ, ಅಶ್ವತ್ಥ, ಮನೋಹರ, ಮಲ್ಲಿಕಾರ್ಜುನ ಮೊದಲಾದವರು ವಹಿಸಿದ್ದರು.