ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

ಹೊಸದಿಲ್ಲಿ,ಜೂ.24:ವಾರ್ಷಿಕ ಶೇ.9 ಬೆಳವಣಿಗೆಯ ಗುರಿ ಹೊಂದಿರುವ 12ನೆ ಪಂಚ ವಾರ್ಷಿಕ ಯೋಜನೆ (2012-17) ಸಪ್ಟಂಬರ್ ಬದಲು ಡಿಸೆಂಬರ್‌ನಲ್ಲಿ ಜಾರಿಗೆ ಬರುವ ಸಾಧ್ಯತೆಗಳಿವೆ.ಈ ವರ್ಷಾಂತ್ಯದಲ್ಲಿ ನಡೆಯುವ ರಾಷ್ಟ್ರೀಯ ಅಭಿವೃದ್ಧಿ ಮಂಡಳಿ ಸಭೆಯಲ್ಲಿ 12ನೆ ಪಂಚ ವಾರ್ಷಿಕ ಯೋಜನೆಯ ಕರಡು ದಾಖಲೆಯನ್ನು ಅನುಮೋದನೆಗೆ ಇರಿಸಲಾಗುವುದು ಎಂದು ಯೋಜನಾ ಆಯೋಗದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.ಯೋಜನೆಯ ಸಿದ್ಧಪಡಿಸಿರುವ ಸಂಪುಟಗಳ ದಾಖಲೆಯನ್ನು ಸಪಂಬರ್‌ನಲ್ಲಿ ಕೇಂದ್ರ ಸಂಪುಟದ ಅಂಗೀಕಾರಕ್ಕೆ ಸಲ್ಲಿಸಲಾಗುವುದು ಎಂದರು.ಯೋಜನೆ ಈ ವರ್ಷದ ಎಪ್ರಿಲ್‌ನಿಂದ ಆರಂಭವಾಗಿದೆ, ಯೋಜನೆಗೆ ಕೇಂದ್ರ ಸಂಪುಟ ಒಪ್ಪಿಗೆ ನೀಡಿದ ಆರು ವಾರಗಳ ನಂತರ ಪ್ರಧಾನಿ ಅಧ್ಯಕ್ಷತೆಯ ರಾಷ್ಟ್ರೀಯ ಅಭಿವೃದ್ಧಿ ಮಂಡಳಿ ಮುಂದೆ ಅನುಮೋದನೆಗೆ ಇರಿಸಲಾಗುವುದು ಎಂದರು.

12ನೆ ಪಂಚ ವಾರ್ಷಿಕ ಯೋಜನೆಯ ಅಂತಿಮ ಕರಡು ಪ್ರತಿ ಸಿದ್ಧವಾದ ನಂತರ ಮೊದಲು ಅದನ್ನು ಯೋಜನಾ ಆಯೋಗದ ಪೂರ್ಣ ಸದಸ್ಯ ಸಮಿತಿ ಮುಂದೆ ಅನುಮೋದನೆಗೆ ಇರಿಸಿ ನಂತರ ಕೇಂದ್ರ ಸಂಪುಟ ಮತ್ತು ರಾಷ್ಟ್ರೀಯ ಅಭಿವೃದ್ಧಿ ಮಂಡಳಿ ಮುಂದೆ ಅನುಮೋದನೆಗೆ ಇರಿಸಲಾಗುವುದು ಎಂದು ಅವರು ಸುದ್ದಿ ಸಂಸ್ಥೆಗೆ ತಿಳಿಸಿದರು.