ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

 -ಶಕುಂತಲಾ ಶೆಟ್ಟಿ, ಮಾಜಿ ಶಾಸಕಿ

 =ಚಲಾವಣೆಯಲ್ಲಿರುವ ನಾಲ್ಕಾಣೆ ನಾಣ್ಯ ಎಂದು ಸದಾನಂದ ಗೌಡರು ನಕ್ಕರಂತೆ.      

---

*ಬೊಕ್ಕಸದ ಹಣದಲ್ಲಿ ಶಾಸಕರು ವಿದೇಶ ಪ್ರವಾಸ ಹೋಗಿರುವುದು ತಪ್ಪು.

-ಡಿ.ವಿ.ಸದಾನಂದ ಗೌಡ, ಮಾಜಿ ಮುಖ್ಯಮಂತ್ರಿ

 =ಬೊಕ್ಸಸದಾದರೇನು, ಅವರ ಮನೆಯ ತಿಜೋರಿಯದ್ದಾದರೇನು, ಜನರ ಹಣವೇ ಅಲ್ಲವೆ?  

---

*ಕಾಂಗ್ರೆಸ್‌ನಿಂದ ಮಾತ್ರ ಜನರ ಸಮಸ್ಯೆ ದೂರ.

-ವಿನಯ ಕುಮಾರ್ ಸೊರಕೆ, ಎಐಸಿಸಿ ಕಾರ್ಯದರ್ಶಿ  

 =ಸದ್ಯಕ್ಕೆ ಕಾಂಗ್ರೆಸ್‌ನ ಸಮಸ್ಯೆ ದೂರ ಮಾಡುವವರಾರು, ಎನ್ನುವುದನ್ನು ಯೋಚಿಸಿ.      

---

*ಈಗಿನ ಪರಿಸ್ಥಿತಿಯಲ್ಲಿ ವಿದೇಶಕ್ಕೆ ಅಷ್ಟೇ ಅಲ್ಲ, ಹೊರ ರಾಜ್ಯಗಳಿಗೂ ಶಾಸಕರು ಹೋಗಬಾರದು.

 

-ಬಿ.ಎಸ್.ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ  

 =ಅಂದರೆ ಮತ್ತೆ ರೆಸಾರ್ಟ್‌ಗೆ ಹೋಗುವ ದಿನ ಹತ್ತಿರ ಬಂತೆ?      

---

*ರಾಜ್ಯದಲ್ಲಿ ಉಗ್ರರನ್ನು ಹತ್ತಿಕ್ಕಲು ಪೊಲೀಸ್ ಇಲಾಖೆ ಸರ್ವ ಸನ್ನದ್ಧವಾಗಿದೆ.

-ಜ್ಯೋತಿ ಪ್ರಕಾಶ್ ಮಿರ್ಜಿ, ಪೊಲೀಸ್ ಆಯುಕ್ತ  

 =ಚುನಾವಣೆ ಹತ್ತಿರ ಬರುತ್ತಿರುವ ಸೂಚನೆಯೆ? 

---

*ದೇಶದ ಸಂವಿಧಾನಕ್ಕಿಂತ ದೊಡ್ಡವರು ಯಾರೂ ಇಲ್ಲ.

-ನಿತೀಶ್ ಕುಮಾರ್, ಬಿಹಾರ ಮುಖ್ಯಮಂತ್ರಿ  

 =ಮೋದಿ ಜೈಲು ಸೇರುವವರೆಗೆ ನಿಮ್ಮ ಮಾತನ್ನು ಒಪ್ಪುವ ಹಾಗಿಲ್ಲ.    

---

*ಮೊದಲು ಅತಿ ಭ್ರಷ್ಟರನ್ನು ಹೊರಕ್ಕೆ ಕಳುಹಿಸಬೇಕು. ಇದಕ್ಕಾಗಿ ಕಡಿಮೆ ಭ್ರಷ್ಟರೊಡನೆ ಕೈಜೋಡಿಸಬೇಕು.

-ಕಿರಣ್ ಬೇಡಿ, ನಿವೃತ್ತ ಐಪಿಎಸ್ ಅಧಿಕಾರಿ  

 =ಅಡಿಕೆ ಕದ್ದವನು ಕಳ್ಳ, ಆನೆ ಕದ್ದವನೂ ಕಳ್ಳ.     

---

*ಸಾಮಾಜಿಕ ನ್ಯಾಯಕ್ಕೆ ಧಕ್ಕೆ ಬಾರದಂತೆ ಮಡೆಸ್ನಾನ ಸಮಸ್ಯೆ ಪರಿಹರಿಸಲಾಗುವುದು.

-ಕೋಟ ಶ್ರೀನಿವಾಸ ಪೂಜಾರಿ, ಮುಜರಾಯಿ ಸಚಿವ  

=ಪರಿಹರಿಸುವುದಕ್ಕಿಂತ ನಿಷೇಧಿಸುವುದೇ ಅರ್ಥಪೂರ್ಣವಲ್ಲವೆ?      

---

*ಜಾತಿ, ಧರ್ಮದ ಮೇಲೆ ಓಟಿನ ಬೇಟೆ ಇಂದಿನ ರಾಜಕೀಯ ದುಸ್ಥಿತಿಗೆ ಕಾರಣ.

-ಡಿ.ವಿ.ಸದಾನಂದ ಗೌಡ, ಮಾಜಿ  ಮುಖ್ಯಮಂತ್ರಿ  

 =ಬೇಟೆಯಾಡುವ ಶಕ್ತಿ ಕುಂದಿದ ಪುತ್ತೂರಿನ ಬೆಕ್ಕು ಸನ್ಯಾಸಿಯಾಯಿತಂತೆ.      

---

*ಎಬಿವಿಪಿ ಕೇಸ್ ವಾಪಸ್ ಆತುರದ ನಿರ್ಧಾರ.

-ಎಚ್.ಡಿ.ಸಾಂಗ್ಲಿಯಾನ, ರಾಷ್ಟ್ರೀಯ ಅಲ್ಪಸಂಖ್ಯಾತ ಆಯೋಗದ ಉಪಾಧ್ಯಕ್ಷ  

 =ಚುನಾವಣೆ ಕೆಲಸಕ್ಕೆ ಜನ ಬೇಕಲ್ಲ, ಅದಕ್ಕೇ ಆತುರ.      

---

*ನನ್ನ ಕೈಗೆ ಸೇನೆ ಕೊಡಿ, ಪವಾಡ ನೋಡಿ.

-ಬಾಳಾ ಠಾಕ್ರೆ, ಶಿವಸೇನೆ ನಾಯಕ  

 =ಯಾವ ಸೇನೆ? ರಾಮ ಸೇನೆಯೋ, ಶಿವಸೇನೆಯೋ?      

---

*ಸಾಂಸ್ಕೃತಿಕ ಮೌಲ್ಯಗಳಿಂದ ಮಕ್ಕಳು ವಂಚಿತರಾಗುತ್ತಿದ್ದಾರೆ.

-ಮೈ.ಚ.ಜಯದೇವ, ಆರೆಸ್ಸೆಸ್ ರಾಷ್ಟ್ರೀಯ ಸದಸ್ಯ  

=ವಂಚನೆಯನ್ನೇ ಸಾಂಸ್ಕೃತಿಕ ಮೌಲ್ಯವೆಂದು ನಿಮ್ಮಂಥವರು ಕಲಿಸಲು ಹೊರಡುತ್ತಿರುವಾಗ ಅವರದರಿಂದ ದೂರವಿರುವುದೇ ಒಳಿತು.      

---

*ವಿದೇಶದಲ್ಲಿ ವ್ಯಾಸಂಗ ಮಾಡಿದ ವೈದ್ಯರಿಗೆ ದೇಶದಲ್ಲಿ ಅವಕಾಶ.

-ಗುಲಾಂ ನಬಿ ಆಜಾದ್, ಕೇಂದ್ರ ಆರೋಗ್ಯ ಸಚಿವ  

=ದೇಶದ ಕಾಲೇಜುಗಳ ಮೇಲೆ ನಂಬಿಕೆಯಿಲ್ಲವೆ?       

---