ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

 -ಮೋಟಮ್ಮ, ವಿಧಾನಪರಿಷತ್ ಪ್ರತಿಪಕ್ಷ ನಾಯಕಿ

 = ಆದ್ದರಿಂದಲೇ ಹೆಚ್ಚಿನ ಫುಡಾರಿಗಳು ವಿಶ್ವಾಸದ್ರೋಹದ ಧೋರಣೆಯಲ್ಲಿ ಅಚಲ ನಂಬಿಕೆ ಇಟ್ಟಿರುತ್ತಾರೆ.  

---

* ನ್ಯಾಯಾಲಯದ ಎಲ್ಲ ತೀರ್ಪಿಗೂ ನಮ್ಮ ಕುಟುಂಬ ತಲೆಬಾಗುತ್ತದೆ.

- ಶ್ರೀರಾಮುಲು, ಶಾಸ

 = ಬೇರೆ ಆಯ್ಕೆಯೇನಾದರೂ ಉಳಿದಿದೆಯೇ?

---

* ನನ್ನ ಗಂಡ ಸೂಪರ್.

- ಸಾನಿಯಾ ಮಿರ್ಜಾ, ಭಾರತದ ಟೆನಿಸ್ ತಾರೆ

 =ದಾಂಪತ್ಯದ ಆರಂಭದ ದಿನದಲ್ಲಿ ಹಾಗೆಲ್ಲಾ ಅನಿಸುವುದುಂಟು.

---

* ನರೇಂದ್ರ ಮೋದಿ ಓರ್ವ ರಾಕ್ಷಸ.

-ಕೇಶುಭಾಯಿ ಪಟೇಲ್, ಬಿಜೆಪಿ ಮಾಜಿ ನಾಯಕ

=ಆತನನ್ನು ನೇತಾರನ ಸ್ಥಾನಕ್ಕೇರಿಸಿದ ಪಕ್ಷವನ್ನು ಏನೆಂದು ಕರೆಯುತ್ತೀರಿ?

---

* ಪ್ರಧಾನಿ ಮನಮೋಹನ್ ಸಿಂಗ್ ನಗಲೂ ಆಗದಷ್ಟು ಒತ್ತಡದಲ್ಲಿದ್ದಾರೆ.

- ಬಾಬಾ ರಾಮ್‌ದೇವ್, ಯೋಗಗುರು

 =ಧರ್ಮಗುರುಗಳು ವಿದೂಷಕರಾಗಿ ನಗಿಸಲು ಇಳಿದಿರುವುದು ನಗುವ ವಿಷಯವೇ?

---

* ನಾನು ರಾಷ್ಟ್ರದ್ರೋಹಿಯಾಗಿದ್ದರೆ (ಸರಕಾರ) ನನ್ನನ್ನು ಜೈಲಿಗೆ ತಳ್ಳಲಿ.

- ಅಣ್ಣಾ ಹಝಾರೆ, ಗಾಂಧಿವಾದಿ

=ಅಷ್ಟು ದೊಡ್ಡ ಅಪರಾಧಕ್ಕೆ ಇಷ್ಟು ಸಣ್ಣ ಶಿಕ್ಷೆ ಸಾಕೇ?

---

* ಕಾಂಗ್ರೆಸ್‌ನಲ್ಲಿ ಅಲ್ಪಸಂಖ್ಯಾತರು ಹರಕೆಯ ಕುರಿಗಳಾಗುತ್ತಿದ್ದಾರೆ.

- ರೋಶನ್ ಬೇಗ್, ಕಾಂಗ್ರೆಸ್ ಶಾಸಕ

=ಧಾಟಿ ನೋಡಿದರೆ, ಯಾವುದೋ ಹೊಸ ಹುದ್ದೆಗಾಗಿ ಚೌಕಾಶಿ ಆರಂಭಿಸಿರುವ ಹಾಗಿದೆಯಲ್ಲಾ!

---

* ಹಣಕ್ಕೆ ಬೆಲೆ ನೀಡಿದರೆ ರಾಜಕಾರಣಿಗಳಿಗೆ ಬೆಲೆ ಸಿಗುವುದಿಲ್ಲ.

- ಈಶ್ವರಪ್ಪ, ಬಿಜೆಪಿ ರಾಜ್ಯಾಧ್ಯಕ್ಷ

=ಆದರೂ ಅತ್ಯಧಿಕ ಬೆಲೆಕೊಟ್ಟು ರಾಜಕಾರಣಿಗಳನ್ನು ಖರೀದಿಸುತ್ತಿರುವ ಪಕ್ಷ ನಿಮ್ಮದೇ ತಾನೇ?

---

* ಶ್ರೀರಾಮುಲು ಅವರಿಗೆ ಉಜ್ವಲ ಭವಿಷ್ಯವಿದೆ.

- ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ

 =ತಾವು ಜ್ಯೋತಿಷ್ಯ ವೃತ್ತಿಗೆ ಇಳಿದಿದ್ದು ಯಾವಾಗಿನಿಂದ ಸ್ವಾಮೀ?  

---

* ಕೊಳೆತ ಹಣ್ಣುಗಳ ಬುಟ್ಟಿಯಲ್ಲಿ ಒಳ್ಳೆಯ ಹಣ್ಣುಗಳನ್ನು ಹೆಚ್ಚುದಿನ ಇಡಬಾರದು.

 

- ಸಿ.ಟಿ. ರವಿ, ಶಾಸಕ

 = ನೀವಿರುವ ಬುಟ್ಟಿಯಲ್ಲಿನ ಎಲ್ಲ ಹಣ್ಣುಗಳೂ ಕೊಳೆತಿರುವುದರಿಂದ ಇದು ನೀವು ಚಿಂತಿಸಬೇಕಾದ ಸಮಸ್ಯೆ ಅಲ್ಲ. 

---

* ನನಗೂ ಮುಖ್ಯಮಂತ್ರಿಯಾಗುವ ಆಸೆಯಿದೆ.

- ಡಾ. ಪರಮೇಶ್ವರ್, ಕೆಪಿಸಿಸಿ ಅಧ್ಯಕ್ಷ

=ಆ ಸ್ವಾರ್ಥಕ್ಕಾದರೂ ಈಗಾಗಲೇ ಗುಜರಿಯಾಗಿರುವ ನಿಮ್ಮ ಪಕ್ಷವನ್ನು ಬಲಪಡಿಸಲು ಸ್ವಲ್ಪ ಶ್ರಮಿಸಿ ಸಾರ್.

---

*ವಿಧಾನ ಸಭೆಯಿಂದ ವಿಧಾನ ಪರಿಷತ್‌ಗೆ ನಡೆದ ಚುನಾವಣೆಯಲ್ಲಿ ಅಡ್ಡಮತ ಹಾಕಿದ ಬಿಜೆಪಿ ಶಾಸಕರು ಯಾರ್ಯಾರು ಎಂಬುದು ನನಗೆ ಗೊತ್ತಿದೆ.

- ರೇಣುಕಾಚಾರ್ಯ, ಅಬಕಾರಿ ಸಚಿವ

 =ನೀವು ಅಡ್ಡ ಹಾದಿಯ ಪರಮ ತಜ್ಞರೆಂಬುದು ಗುಟ್ಟೇನೂ ಅಲ್ಲ.

---

 ಪಿ.ಎ.ರೈ