ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

-ಡಿ.ವಿ.ಸದಾನಂದ ಗೌಡ, ಮಾಜಿ ಮುಖ್ಯಮಂತ್ರಿ

=ಮುಖ್ಯಮಂತ್ರಿ ಸ್ಥಾನ ಕೈ ತಪ್ಪುವುದು ಮೊದಲೇ ಗೊತ್ತಿದ್ದರೆ ಮಾಡಿ ಬಿಡುತ್ತಿದ್ದಿರಿ ಅಲ್ಲವೆ?  

 

---

*ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ಯಾರೂ ರೇಸ್‌ನಲ್ಲಿಲ್ಲ.

-ಈಶ್ವರಪ್ಪ, ಉಪಮುಖ್ಯಮಂತ್ರಿ

=ಎಲ್ಲರೂ ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ ರೇಸ್‌ನಲ್ಲೇ ಇದ್ದಾರೆ.

---

*ಕಾಶ್ಮೀರ ವಿವಾದಕ್ಕೆ ಹೊರಗಿನವರು ಪರಿಹಾರ ಸೂಚಿಸಲು ಸಾಧ್ಯವಿಲ್ಲ.

 -ಬರಾಕ್ ಒಬಾಮಾ, ಅಮೆರಿಕಾ ಅಧ್ಯಕ್ಷ

=ಸದ್ಯಕ್ಕೆ ಕಾಶ್ಮೀರಿಗಳನ್ನು ಬಿಟ್ಟರೆ ಎಲ್ಲರೂ ಹೊರಗಿನವರೇ.  

---

*ನಾನು ಯಾರ ಕೈಗೊಂಬೆಯೂ ಅಲ್ಲ.

 -ಜಗದೀಶ್ ಶೆಟ್ಟರ್, ಮುಖ್ಯಮಂತ್ರಿ

=ಬಹುಶಃ ಯಡಿಯೂರಪ್ಪರ ಕಾಲ್ ಗೊಂಬೆಯಾಗಿರಬಹುದು.

---

*ಜೆಡಿಎಸ್ ಒಡೆಯಲು ಕಾಂಗ್ರೆಸ್ ನಾಯಕರು ಸಂಚು ರೂಪಿಸಿದ್ದರಿಂದಾಗಿ ಬಿಜೆಪಿಯೊಂದಿಗೆ ಮೈತ್ರಿ ಮಾಡಿಕೊಳ್ಳಬೇಕಾಯಿತು.

-ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

=ಕಾಂಗ್ರೆಸ್ ನಾಯಕರು ಇನ್ನೊಮ್ಮೆ ಅಂತಹದೇ ಸಂಚು ರೂಪಿಸಲಿ ಎಂಬ ಆಸೆ ನಿಮಗೆ ಒಳಗೊಳಗೆ ಇರುವುದು ಬಿಜೆಪಿಗೆ ಗೊತ್ತಾಗಿ ಬಿಟ್ಟಿದೆ.  

---

*ನಮ್ಮ ಕುಟುಂಬಕ್ಕೆ ಯಾವುದೋ ಶಾಪ ತಟ್ಟಿದೆ. ಮುಸ್ಲಿಂ ಧರ್ಮದ ಎಲ್ಲ ಗುರುಗಳು ಆಶೀರ್ವಾದ ಮಾಡುವ ಮೂಲಕ ಶಾಪದಿಂದ ಮುಕ್ತಿ ನೀಡಬೇಕು.

-ದೇವೇಗೌಡ, ಮಾಜಿ ಪ್ರಧಾನಿ

=ಬಹುಶಃ ಮತದಾರರ ಶಾಪವಿರಬಹುದು.  

---

*ಹೈಕಮಾಂಡ್ ಸೂಚಿಸಿದರೆ ರಾಜ್ಯ ಕಾಂಗ್ರೆಸ್ ನಾಯಕತ್ವ ವಹಿಸಿಕೊಳ್ಳಲು ಸಿದ್ಧ

 -ವೀರಪ್ಪ ಮೊಯ್ಲಿ, ಕೇಂದ್ರ ಸಚಿವ

=ಅಂತೂ ರಾಜ್ಯದ ಜನರು ಇನ್ನೊಂದು ಮಹಾಕಾವ್ಯವನ್ನು ಓದಲು ಸಿದ್ಧರಾಗಲೇಬೇಕು.  

---

*ನಾವು ಅತೃಪ್ತರಲ್ಲ, ನೊಂದವರು.

 -ಗೋಪಾಲಕೃಷ್ಣ, ಸಚಿವ ಸ್ಥಾನ ವಂಚಿತ ಶಾಸಕ

=ಹಾಗಾದರೆ ನಾಡಿನ ಜನತೆಯೇ ಅತೃಪ್ತರಾಗಿರಬಹುದೆ?

---

*ಮೋದಿ ಹೀಟ್ಲರ್ ಇದ್ದಂತೆ

-ಕೇಶುಭಾಯ್ ಪಟೇಲ್, ಗುಜರಾತ್ ಮಾಜಿ ಮುಖ್ಯಮಂತ್ರಿ

=ಅದನ್ನು ಕೇಳಿ ಮೋದಿ ಸಂಭ್ರಮಿಸಿದರಂತೆ.  

---

*ಬರ ಪರಿಹಾರದ ಬಗ್ಗೆ ಕೇಂದ್ರ ಮಲತಾಯಿ ಧೋರಣೆ ಅನುಸರಿಸುತ್ತಿದೆ.

 -ಗೋವಿಂದ ಕಾರಜೋಳ, ಕನ್ನಡ ಮತ್ತು ಸಂಸ್ಕ್ರತಿ ಸಚಿವ

=ನಿಮ್ಮ ನಿಜ ತಾಯಿ ಸುಷ್ಮಾ ಸ್ವರಾಜ್ ರಾಜ್ಯದಿಂದ ದೋಚಿದ ಹಣವಿದೆಯಲ್ಲ ಅದನ್ನೇ ಬಳಸಿಕೊಳ್ಳಿ.

---

*ಮಕ್ಕಳು ತಪ್ಪು ಮಾಡಿದ್ದಾರೆ ಎಂದರೆ, ಅಪ್ಪ ಅವರನ್ನು ಸರಿಯಾಗಿ ಬೆಳೆಸಿಲ್ಲ ಎಂದರ್ಥ. ಹೀಗಾಗಿ ಅಪ್ಪನಿಗೆ ಶಿಕ್ಷೆ ವಿಧಿಸಬೇಕು

-ರಮಣ್ ಸಿಂಗ್, ಛತೀಸ್‌ಗಡ ಮುಖ್ಯಮಂತ್ರಿ

=ಪೊಲೀಸ್ ನಿಮ್ಮ ತಂದೆಯವರನ್ನು ಹುಡುಕುತ್ತಿದ್ದಾರಂತೆ.  

---

*ಮುಂದಿನ ಬಾರಿಯೂ ಬಿಜೆಪಿ ಅಧಿಕಾರಕ್ಕೆಬರುತ್ತದೆ, ಆಗ ನಾನು ಸಚಿವೆ ಆಗ್ತೇನೆ

-ವಿಮಲಾ ಗೌಡ, ವಿಧಾನ ಪರಿಷತ್ ಉಪಸಭಾಪತಿ

=ಯಾರೋ ನಿಮ್ಮನ್ನು ಜುಲೈ ತಿಂಗಳಲ್ಲಿ ಎಪ್ರಿಲ್ ಫೂಲ್ ಮಾಡಿದ್ದಾರೆ.

---

*ಯೋಗ ಈ ದೇಶವನ್ನು ನಿರೋಗಿ ಮಾಡಲು ಇರುವ ದಿವ್ಯಾಸ್ತ್ರ

 -ಬಾಬಾ ರಾಮ್‌ದೇವ್, ಯೋಗ ಗುರು

=ನಿಮ್ಮಂತಹ ಹತ್ತು ಹಲವು ರೋಗಗಳಿಗೆ ಶಸ್ತ್ರ ಚಿಕಿತ್ಸೆಯೇ ಬೇಕಾಗುತ್ತದೆ ಸ್ವಾಮೀಜಿ.

---