ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

 -ಈಶ್ವರಪ್ಪ, ಉಪಮುಖ್ಯಮಂತ್ರಿ

 =ದುರ್ಬಲ ಶಾಲೆಗಳ ಗೋಡೆಗಳು ಯಾವಾಗ ಬೇಕಾದರೂ ಉರುಳೀತು, ನಿಮ್ಮ ಸರಕಾರದ ಹಾಗೆ.

---

*ಅಮೆರಿಕದ ಯುವಜನರಿಗೆ ಬೆಂಗಳೂರಿಗರು ಪ್ರತಿಸ್ಪರ್ಧಿಗಳು. 

-ಬರಾಕ್ ಒಬಾಮ, ಅಮೆರಿಕ ಅಧ್ಯಕ್ಷ

 =ಅಮೆರಿಕದ ರೈತರಿಗೆ ಕರ್ನಾಟಕದ ರೈತರು ಪ್ರತಿಸ್ಪರ್ಧಿಗಳಾದಾಗ ಸಂತೋಷ ಪಡಬಹುದು.

---

*ನರೇಂದ್ರ ವೊದಿ ಗುಜರಾತಿನ ಸಿಂಹ.

-ವಿಜಯ್ ದಾರ್ದಾ, ಕಾಂಗ್ರೆಸ್ ಸಂಸದ

 =ನೀವು ಆ ಗ್ರಾಮ ಸಿಂಹದ ಬಾಲವೆ?

---

* ಗುಜರಾತ್‌ನಲ್ಲಿ ನನಗೆ ಯಾವುದೇ ಭ್ರಷ್ಟಾಚಾರ ಕಂಡು ಬರುತ್ತಿಲ್ಲ.

-ಬಾಬಾ ರಾಮ್ ದೇವ್, ಯೋಗಗುರು

=ನಿಮ್ಮ ಕಂಪೆನಿಯ ಔಷಧಿಗಳು ತೊರೆದು ಅಲೋಪತಿ ಔಷಧಿ ತೆಗೆದುಕೊಳ್ಳಿ. ಕಣ್ಣಿನ ರೋಗ ಗುಣವಾದೀತು.

---

*ರಾಜ್ಯದ ಕೆರೆಗಳ ಹೂಳೆತ್ತಲು ಕೇಂದ್ರ ಸರಕಾರಕ್ಕೆ ೯೦೦  ಕೋಟಿ ರೂ. ಮೊತ್ತದ ಪ್ರಸ್ತಾವನೆ ಕಳುಹಿಸಲಾಗಿದೆ.

 

-ಗೋವಿಂದ ಕಾರಜೋಳ, ಸಣ್ಣ ನೀರಾವರಿ ಸಚಿವ

=ಬಿಜೆಪಿಯೊಳಗಿನ ಹೂಳೆತ್ತುವುದು ಯಾವಾಗ?

---

*ಒಂದು ತಿಂಗಳಲ್ಲಿ ಮಳೆಯಾಗದಿದ್ದರೆ ರಾಜ್ಯದಲ್ಲಿ ಮತ್ತೆ ವಿದ್ಯುತ್ ಸಮಸ್ಯೆ ಉದ್ಭವಿಸಲಿದೆ.

-ಶೋಭಾ ಕರಂದ್ಲಾಜೆ, ಇಂಧನ ಸಚಿವೆ

=ಜೋರು ಮಳೆಯಾಗಿದ್ದಾಗ ಸಮಸ್ಯೆಯೇನೂ ನಿವಾರಣೆಯಾಗಿರಲಿಲ್ಲವಲ್ಲ?

---

 *ಅಸ್ಸಾಂ ಹಿಂಸೆಗೆ ಅಕ್ರಮ ವಲಸೆ ಕಾರಣ.

-ಎಲ್.ಕೆ. ಅಡ್ವಾಣಿ, ಬಿಜೆಪಿ ಮುಖಂಡ

=ಆರ್ಯರ ಅಕ್ರಮ ವಲಸೆಗೂ ಅಸ್ಸಾಂಗೂ ಏನು ಸಂಬಂಧ?

---

*ಬಸವಣ್ಣನ ಆಶಯಗಳು ಸಂಪೂರ್ಣ ಆಚರಣೆಗೆ ಬರದ ಕಾರಣ ಸಮಾಜದಲ್ಲಿ ಇಂದಿಗೂ ಅಸ್ಪಶ್ಯತೆ ಉಳಿದುಕೊಂಡಿದೆ.

-ಜಗದೀಶ್ ಶೆಟ್ಟರ್, ಮುಖ್ಯಮಂತ್ರಿ

=ಆಚರಣೆಗೆ ಬರದೇ ಇರಲು ಮುಖ್ಯ ಕಾರಣವೇ ಬಸವಣ್ಣನ ಅನುಯಾಯಿಗಳು.

---

*ಮುಂದಿನ ಚುನಾವಣೆಯಲ್ಲಿ ಬಿಜೆಪಿಗೆ ಜನತೆ ಸರಿಯಾದ ಪಾಠ ಕಲಿಸುತ್ತಾರೆ.

-ಶ್ರೀರಾಮುಲು, ಬಿಎಸ್ಸಾರ್ ಕಾಂಗ್ರೆಸ್ ಪಕ್ಷದ ಸಂಸ್ಥಾಪಕ

=ನೀವು ಪಾಠಗಳನ್ನು ಜೈಲಿನಲ್ಲೇ ಕಲಿಯಬಹುದು ಬಿಡಿ.

---

*ಹೆಣ್ಣು ಮಕ್ಕಳ ಸ್ವಾತಂತ್ರಕ್ಕೆ ಮತ್ತು ಹಕ್ಕುಗಳಿಗೆ ಚ್ಯುತಿ ಬಂದಾಗ ಆಯೋಗ ಅವರ ಜೊತೆ ಇರುತ್ತದೆ.

-ಸಿ.ಮಂಜುಳಾ, ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ

=ಅಂದರೆ, ಹೋಮ್‌ಸ್ಟೇ ಪ್ರಕರಣಗಳಲ್ಲಿ ಹಕ್ಕುಚ್ಯುತಿ ನಡೆಯಲಿಲ್ಲ ಎಂದು ಅಭಿಪ್ರಾಯವೆ?

---

*ಕಾಂಗ್ರೆಸ್‌ನವರೆಲ್ಲಾ ಹರಿಶ್ಚಂದ್ರರು ಅಂತ ಪ್ರಮಾಣ ಪತ್ರ ಕೊಟ್ಟುಕೊಳ್ಳುವುದರಲ್ಲಿ ಅರ್ಥವಿಲ್ಲ.

-ಎಸ್.ಎಂ. ಕೃಷ್ಣ, ವಿದೇಶಾಂಗ ಸಚಿವ

=ಹೆಣ ಕಾಯುವುದಕ್ಕೇ ಸರಿ ಅಂತ ಪ್ರಮಾಣ ಪತ್ರ ಕೊಡೋದರಲ್ಲಿ ಅರ್ಥವಿಲ್ಲ ಬಿಡಿ.

---

*ಕೇಂದ್ರ ಸರಕಾರವು ಭಯೋತ್ಪಾದನೆ ವಿರುದ್ಧ ಕಠಿಣ ನೀತಿ ಜಾರಿಗೊಳಿಸಲು ಇದು ಸಕಾಲ.

-ನರೇಂದ್ರ ಮೋದಿ, ಗುಜರಾತ್ ಮುಖ್ಯಮಂತ್ರಿ

=ನಿಮ್ಮಂತಹ ಭಯೋತ್ಪಾದಕರು ಅದಕ್ಕೆ ಆಸ್ಪದ ಕೊಡಬೇಕಲ್ಲ?

---

*ರೌಡಿಗಳನ್ನು ಠಾಣೆಗೆ ಕರೆಸಿಕೊಂಡು ಬುದ್ಧಿವಾದ ಹೇಳುವಂತೆ, ಯುವತಿಯರ ಹಾದಿ ತಪ್ಪಿಸುವವರನ್ನು ಸಹ ಕರೆಸಿ ನಿರಂತರ ಬುದ್ಧಿವಾದ ಹೇಳುವ ನೀತಿಯೊಂದನ್ನು ರೂಪಿಸಬೇಕು.

-ಶೋಭಾ ಕರಂದ್ಲಾಜೆ, ಇಂಧನ ಸಚಿವೆ

=ಪೊಲೀಸರು ನಿಮ್ಮನ್ನೇ ವೊದಲು ಕರೆಸಿ ಬುದ್ಧಿವಾದ ಹೇಳುವುದರಲ್ಲಿದ್ದಾರೆ.

---

*ಯಾವ ಕಾರಣಕ್ಕೂ ಪಠ್ಯದ ಕೇಸರೀಕರಣ ಮಾಡುವುದಿಲ್ಲ. ಆದರೆ ರಾಷ್ಟ್ರೀಯತೆ, ಭಾರತೀಯ ಸಂಸ್ಕೃತಿಯನ್ನು ಮಕ್ಕಳಿಗೆ ತಿಳಿಸುವ ಕೆಲಸ ಮಾಡಲು ಹಿಂಜರಿಯುವುದಿಲ್ಲ.

-ವಿಶ್ವೇಶ್ವರ ಹೆಗಡೆ ಕಾಗೇರಿ, ಪ್ರಾ. ಮತ್ತು ಪ್ರೌಡ ಶಿಕ್ಷಣ ಸಚಿವ

=ಬಿಜೆಪಿಯ ಸಂಸ್ಕೃತಿ, ರಾಷ್ಟ್ರೀಯತೆಯನ್ನು ರಾಜ್ಯದ ಜನರು ನೋಡಿ, ಬೆಚ್ಚಿ ಬಿದ್ದಿದ್ದಾರೆ. ಇನ್ನು ಅದನ್ನು ಮಕ್ಕಳು ಪಠ್ಯದಲ್ಲಿ ಕಲಿಯಬೇಕೆ?

---

*ಕದ್ದು ಮುಚ್ಚಿ ಹುಟ್ಟು ಹಬ್ಬ ಆಚರಣೆ ಮಾಡುವುದು ತಪ್ಪು.

-ಡಾ. ಡಿ. ರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ ಧರ್ಮಸ್ಥಳ

=ಕದ್ದು ಮುಚ್ಚಿ ಮಾಡುವುದಿದ್ದರೆ ಮನೆಯಲ್ಲಿ ಮಾಡುತ್ತಿದ್ದರು. ಹೋಮ್‌ಸ್ಟೇಯಲ್ಲಿ ಯಾಕೆ ಮಾಡುತ್ತಿದ್ದರು?

---